Video
Read full review
2021-12-09
466 views
深水埗、長沙灣哩邊一直有好多隱世cafe，今次就黎哩間位於長沙灣既cafe小店試下。Cafe行木系清新路線，牆上掛有乾花同畫作，比人既感覺都幾舒服。餐牌上面有前菜、沙律、主菜、小食等可以選擇，而且食物擺盤好靚，甜品超啱打卡📸️🍈前菜：風乾巴馬火腿伴蜜瓜 $98睇得出廚師係擺盤方面有花心思，而蜜瓜超級甜又多汁，非常好食！巴馬火腿夠咸香，兩樣一齊食真係超夾！旁邊仲圍住一圈沙律。🥗沙律：芒果蟹籽蟹肉沙律 $88沙律堆成一個小山丘，份量都幾多，而且色彩繽紛。入面蟹籽、蟹肉同芒果既份量都唔少，而且淋上酸酸甜甜既芒果醬汁，味道都幾清新開胃。🐑主菜：燒法式香草羊架 $178羊架有三大舊，而且肉質軟腍，亦唔會有好重羊羶味，配有綿軟既薯蓉。☁️甜品：雲 $58Mousse,passion fruit curd & coconut dacquoise外型超級精緻💕係雲朵既形狀，入口都幾香百香果味，而味道唔會太甜，仲有其他款式既甜品都好靚。🍰抹茶紅豆慕斯 $58係餐廳既新甜品，抹茶慕絲質感幼滑，上面加上奶蓋同黑糖，估唔到味道又幾夾，鍾意奶蓋既人可以一試。🍵飲品：抹茶牛奶 $36抹茶味香濃，亦好重奶香，非常好
餐牌上面有前菜、沙律、主菜、小食等可以選擇，而且食物擺盤好靚，甜品超啱打卡📸️
🍈前菜：風乾巴馬火腿伴蜜瓜 $98
睇得出廚師係擺盤方面有花心思，而蜜瓜超級甜又多汁，非常好食！巴馬火腿夠咸香，兩樣一齊食真係超夾！旁邊仲圍住一圈沙律。
🥗沙律：芒果蟹籽蟹肉沙律 $88
沙律堆成一個小山丘，份量都幾多，而且色彩繽紛。入面蟹籽、蟹肉同芒果既份量都唔少，而且淋上酸酸甜甜既芒果醬汁，味道都幾清新開胃。
🐑主菜：燒法式香草羊架 $178
羊架有三大舊，而且肉質軟腍，亦唔會有好重羊羶味，配有綿軟既薯蓉。
☁️甜品：雲 $58
Mousse,passion fruit curd & coconut dacquoise
外型超級精緻💕係雲朵既形狀，入口都幾香百香果味，而味道唔會太甜，仲有其他款式既甜品都好靚。
🍰抹茶紅豆慕斯 $58
係餐廳既新甜品，抹茶慕絲質感幼滑，上面加上奶蓋同黑糖，估唔到味道又幾夾，鍾意奶蓋既人可以一試。
🍵飲品：抹茶牛奶 $36
抹茶味香濃，亦好重奶香，非常好飲。
🌼橙花香茶 $48
帶有淡淡橙花香氣。
整體黎講，餐廳環境清新舒適，食物好食亦岩打卡，幾適合過嚟食下嘢，過一個休閒既下午。
Post
