Video
Read full review
2021-09-18
2174 views
今次要介紹既係一間位於油麻地既文青cafe☕️，就咁講可能大家都未必知道係邊間，不過相信當大家見到佢地個碗要自己倒龍蝦湯既烏冬或者係店名，應該都唔會覺得陌生，因為佢地係ig既暴光率一直都好高🔥.早聽聞呢間cafe開張之後有一段長時間都處於要排隊👭🏻👫🏼先食到既狀況🥴，不過時至今日cafe開業一年，相信一窩瘋熱潮已經減退不少，星期日下午到訪唔洗排隊就可以入座 🪑，非常輕鬆😝.Café裝潢以簡約木系為主，室內有窗口🪟吧檯區、沙發座位同雙人檯座位，空間雖然唔大，勝在樓底夠高亦無過多裝飾物，唔會令人有太大既壓迫感；至於室外就分別設有兩張長木椅同鐵椅，岩晒只係想黎飲杯野☕️既客人🤗不得不提既係cafe門口🚪更係本地樂隊Tonick《離散序》一曲MV封面既拍攝場地📹，大家黎到cafe不妨係門口影返張打卡相📸記錄一下😜****************************** ✨龍蝦湯配牛油果大蝦稻庭烏冬🦞 ($128)基於呢碗烏冬實在太具代表性，到cafe前已經決定一定要點返一碗😆烏冬同龍蝦湯一set以托盤形式上桌💁🏻♀️，大概係怕客人倒湯時會燙親♨️同埋為免熱湯會影響到食材既質素，龍蝦湯🦞係鐵壺倒出
今次要介紹既係一間位於油麻地既文青cafe☕️，就咁講可能大家都未必知道係邊間，不過相信當大家見到佢地個碗要自己倒龍蝦湯既烏冬或者係店名，應該都唔會覺得陌生，因為佢地係ig既暴光率一直都好高🔥.
早聽聞呢間cafe開張之後有一段長時間都處於要排隊👭🏻👫🏼先食到既狀況🥴，不過時至今日cafe開業一年，相信一窩瘋熱潮已經減退不少，星期日下午到訪唔洗排隊就可以入座 🪑，非常輕鬆😝
.
Café裝潢以簡約木系為主，室內有窗口🪟吧檯區、沙發座位同雙人檯座位，空間雖然唔大，勝在樓底夠高亦無過多裝飾物，唔會令人有太大既壓迫感；至於室外就分別設有兩張長木椅同鐵椅，岩晒只係想黎飲杯野☕️既客人🤗
不得不提既係cafe門口🚪更係本地樂隊Tonick《離散序》一曲MV封面既拍攝場地📹，大家黎到cafe不妨係門口影返張打卡相📸記錄一下😜
******************************
✨龍蝦湯配牛油果大蝦稻庭烏冬🦞 ($128)
基於呢碗烏冬實在太具代表性，到cafe前已經決定一定要點返一碗😆
烏冬同龍蝦湯一set以托盤形式上桌💁🏻♀️，大概係怕客人倒湯時會燙親♨️同埋為免熱湯會影響到食材既質素，龍蝦湯🦞係鐵壺倒出黎既時候只有微暖；高湯表面帶有一層橙色既蝦油，估計係以蝦頭熬煮出黎，不過個人就覺得湯頭味道淡左d，並無想像中既咁濃郁🤔
至於烏冬就置於大木碗內，上面有大蝦🦐、牛油果🥑、車厘茄🍅、沙律菜🥬、紫菜同木魚碎等配料，稻庭烏冬既口感都幾彈牙，四隻大蝦就夠晒爽口同啖啖肉，全部食材加起黎同沙律🥗一樣咁清新🌿，而加湯落牛油果同沙律菜呢個另類食法特別得黎又唔會令人覺得好奇怪，整體而言可以一試👌🏻
-
✨味噌蟹醬蟹籽蟹肉扁意粉🍝 ($128)
呢客扁意粉有蟹肉🦀、蟹籽、紫菜、冬菇絲🍄同沙律菜🥬，蟹肉既味道都幾濃郁，扁意粉creamy得黎又唔膩，撈埋全部食材黎食好有鮮味同口感，味道唔錯😋
-
✨胡麻醬秋葵 ($48)
作為一間cafe呢度居然會有秋葵供應，都咪話唔令人意外😳
未知cafe係咪為左令賣相更美觀🌟而將秋葵切開一半🔪，當將秋葵拮起黎食既時候，有如納豆般既黏液由切口位流出，如此強烈既視覺衝擊💥可能未必每個人都接受得到😅
若然無視視覺上既效果，秋葵加上日式麻醬基本上係最穩陣既組合，係沙律以外另一個清新之選🌱
✨Dirty☕️ ($40)
呢度既咖啡豆綜合左巴西、埃塞俄比亞、危地馬拉同印尼種植既咖啡豆，味道本應係較為nutty🌰，不過個人認為配上凍奶🥛既dirty酸味反而比較突出，飲到果香🍒但就缺乏榛果，朱古力🍫等味道，或者配熱奶飲返latte會比較好🧐
-
✨海鹽忌廉朱古力鮮奶🍫 ($48)
飲品上面既海鹽忌廉味道鹹鹹地，而朱古力鮮奶就有別於一般濃味朱古力，唔算太香濃但又唔會太淡，混合埋海鹽忌廉味道就剛好👌🏻，適合怕甜既朋友🤗
******************************👧🏻人均消費：$200
😋味道指數：3.8/5
💰抵食指數：3.5/5
🪑環境指數：3.8/5
💁🏻♀️服務指數：3.5/5
👍🏻再訪指數：3.5/5
-
📍不籽是咖啡
地址：油麻地彌敦道450號文豪閣地下D號舖
⏰營業時間：11:00–21:00 (Mon–Sun)
Post
