因為疫情去唔到台灣！
但呢到可以食到台灣嘅味道！
我就叫左一份黯然銷魂安格斯滷肉飯，宜蘭三星蔥餡餅，甜不辣
加多杯木玥招牌水果茶！
黯然銷魂安格斯滷肉飯⭐⭐⭐⭐
呢個會有一個前菜！個前菜令人眼前一亮！
可以令我胃口大增！作為台灣菜最為出名嘅滷肉飯
更加香味十足！加上太陽蛋嘅味道真係令人一試難忘～
宜蘭三星蔥餡餅⭐⭐⭐⭐⭐
最推介嘅係宜蘭三星蔥餡餅，皮薄餡靚！
咬落去肉汁爆曬出黎！蔥嘅香味更係口腔徘徊！
仲有特製嘅醬汁味道變得更加香口！
甜不辣⭐⭐⭐⭐
甜不辣都係台灣特色小食之一！
味道適中！外層鬆脆！
內裡煙煙韌韌！加上醬汁！
味道真係相當唔錯！👍🏼
木玥招牌水果茶⭐⭐⭐⭐⭐
而我係揀左西柚同百香果嘅水果茶！
茶中有粒粒果肉，味道酸酸甜甜！
西柚嘅香味十足之餘又唔會搶左百香果嘅味道！
如果食得太飽嘅話，其實飲一啖都相當解滯架
