木玥巷 (Closed)

𖦹 香葉蕃茄肉鬆炒飯 $82好一個高汁的炒飯！飯粒炒至乾身、粒粒分明，入口充滿九層塔以及番茄香；篤開靚仔嘅太陽蛋，撈埋佢落個飯到食又係另一境界，竟有啲泰式炒飯嘅feel。𖦹 花梨黑醋骨$90呢個餸同家母嘅拿手好菜糖醋骨有異曲同工之妙。排骨香脆，味道酸甜開胃，配上清甜嘅桂花梨，撈飯很可以。𖦹 鹽酥雞 $56 每舊都係巨型嘅size，外脆內軟兼juicy，係個皮厚咗少少。 𖦹 芒果寒天多多 $34戴住草帽嘅小熊貓滿肚都係果味爆棚嘅芒果多多，仲啜到大量寒天，消暑一流。𖦹 樽仔zizu 白桃伯爵氣泡茶 $36望落似啤酒，實情係氣泡茶！由香港年輕人構思既呢瓶本土手工氣泡茶，飲落係微甜嘅桃香兼帶伯爵茶嘅餘韻，新奇得意，非常清涼。