一起食堂 (域多利皇后街)

Open Now

Now Closed

今個月已經踏十月 萬聖節🎃當然要去下主題樂園玩 感受萬聖節氣氛咁去之前當然要醫下肚仔 打定底先啦最方便莫過於去中環食 今次去一起食堂係域多利皇后街 標注係香港站Exit C行過去快 但個人認為識去 其實係中環街市後面條橫街就係啦 好彩早左排隊 而且有兩層 所以消人龍都算快 但記得要齊人先入得㗎仙草豆漿鹽酥雞 府城蝦卷鹽酥雞份量夠多 而且每舊都炸粉少雞肉嫩府城蝦卷 皮都炸得脆 餡料比較少又食唔到蝦肉期間限定特濃豆乳雞烏龍麵嘩 湯頭好濃豆乳味 每飲一啖好似飲緊稀釋版豆漿咁 好好飲 到最尾係清哂成碗 另外雞肉係用卷物形式 每件都好厚身 又嫩滑 大推蔥油土雞肉飯 依個無得評 因為我無試 但朋友話唔錯 好多雞肉絲 又香蔥油味💛另外每個主食都有三小食跟上 一啲都唔求其有本人最喜愛嘅蕃薯 中華沙律 同蕨餅 而且每位店員即使忙都會問啲野到齊未 好好