稍息

Open Now

Now Closed

行日式昭和風既稍息，位於上環港鐵站A2出口對面。呢到係朝啡夕酒，朝早黎呢到飲下咖啡chill下，夜晚可以飲下cocktail同朋友聚下輕鬆下。星期一至日都有全日定食，跟餐有埋茶碗蒸同前菜。價錢由$108-$188，屬於合理價位。🥢京葱牛柳壽喜燒汁忌廉蓋飯 $178一片片粉嫩既牛柳鋪滿係撈左忌廉汁既日本米上，中間係一粒橙到爆既蘭王蛋，一野篤爆佢等啲蛋汁滲埋落啲牛同飯到，再逐片牛肉沾上壽喜燒汁一齊食，又腍又滑😋跟餐仲有滑捊捊既茶碗蒸同爽脆牛蒡。除左定食，當晚仲試左幾款串燒🍢🍢燒帆立貝 $68新鮮帆立貝切開一粒粒，每粒都帶牛油香。🍢黑豚五花腩(辣) $46半肥瘦五花腩，有少少乾身，撒左啲辣粉都幾辣下。🍢燒菠蘿 $36又甜又juicy。必嗌！✨Autumn Fall $98Gin, lemon, white peach, osmanthus, oolong呢杯cocktail我第一啖飲落去已經好鍾意☺️茶味又濃又香。佢個酒味係重既，我個人就好鍾意啦，不過唔太飲得酒既就要留意下啦。