藍象泰國餐廳 (Closed)

泰國菜都幾岩我胃口，有一間超級有名既泰國菜餐廳係兩年前已經進駐左海港城，但我都一直未黎試，之前傾計咁岩又提到呢間餐廳，就揀左中午時分黎幫襯下。餐廳內外話明叫「藍象」，成間餐廳係以海水藍色做主調，好夢幻既感覺，一入到去行一條好似海底隊道既走廊就進入餐廳內面，因為比較早到，所以幸運地坐到窗邊既位置，望住維港景色嘆曼谷米芝蓮三星泰國菜，人生一大樂也！食物選擇中午時分前來係食Semi-buffet Lunch，即半自助午餐，揀定一個主菜，然後就出面自助區任食，價格以主菜而定，價錢由$188-288不等，包一杯餐飲。自助區先睇下自助區，種類同選擇唔多。有3款泰式沙律，例如金柚芒果沙律、青木瓜沙律同田園沙律，酸酸尾尾幾開胃。仲有好幾款泰式炸物小食：炸蝦餅、蝦春卷、炸魚餅等等，推薦蝦餅，夠彈牙同大件！甜品就有斑蘭撻、芒果糯米飯、藍莓慕絲、Brownie等等，斑蘭撻幾特別，仲有糕點整得幾好食！特別啲既有椰子雞湯，佢話係湯，不過質地比較稠身，似係醬汁用黎撈飯多過似湯，但個味道ok既。不過自助區比我想像中細好多，而且refill速度頗慢，好多時食物盤都係空既，加上放出黎既份量又唔算好多，每人拎幾件都冇哂。