火間土 (Closed)

中午同同事食飯，今次嚟咗火間土食午飯。顧客唔算好多，我黎過幾次，鍾意餐廳嘅裝修。裝修很大方，深色主調，低沈高雅，而且環境寧靜，談心一流。加上就算兩個人都會有包間，仲可以望到180度海景。景觀幾開揚，望住個海景都覺得心曠神怡。但係呢度嘅食物質素，唔應該期望太多，百幾蚊一個午餐，唔算好貴，但質素真是極度普通，不過見到無極大海景已經超值。豬肉比較韌，調味唔夠，失落好淡口。魚套餐就稍微好小小，伴菜有好幾樣，煎魚煎一煎條魚就食得。豆腐都幾滑，整體黎講過得去。