Video
Read full review
2022-12-16
1033 views
位於K11 MUSEA嘅高級日本餐廳，提供鐵板燒、串燒及精緻和食，最正係可以近距離望到維港海景，好chill啊🌃🥰一坐底餐廳就好窩心咁送上兩杯welcome drink “Wasabi Shot”，用上gin、plum、sake調成，味道帶小小辛口幾醒胃🍶🥢TEPPANYAKI TASTING MENU $1,480-．沙律沙律配上煙熏華味鳥雞肉 ，煙熏雞肉有種cold cut火腿風味，配上和風蕃茄汁非常清新～．前菜三點擺盤精緻嘅前菜，分別有開胃嘅蟹肉水雲菜、鮟鱇魚乾南瓜蓉配最中餅以及淡水海鹽無花果，綿密嘅南瓜蓉夾埋鮟鱇魚乾絕對有驚喜🎃😳．刺身三點刺身分別係赤身、深海池魚同日本星斑，三款都非常厚切，比較少食嘅係星斑，佢肉質比較實淨但富有一種星班獨有嘅鮮味，bobo好鍾意🐟🤣．鐵板燒第一道鐵板燒係南非活鮑魚，製作過程只係用上簡單牛油同黑椒就吊出咗鮑魚嘅鮮味，肉質彈牙，亦可以點埋秘製蟹膏羅勒醬汁！而時令海鮮係北海道銀鱈魚，師傅會特別將魚皮分開咁煎到金黃香脆，提升用餐體驗！鱈魚面層焦香，每舊肉都佈滿魚油香，肉質嫩滑飽滿！而壓軸嘅係<A5 熊本和王＞牛薄燒！和牛肉充滿醇厚和牛油香，入面
一坐底餐廳就好窩心咁送上兩杯welcome drink “Wasabi Shot”，用上gin、plum、sake調成，味道帶小小辛口幾醒胃🍶
🥢TEPPANYAKI TASTING MENU $1,480
-
．沙律
沙律配上煙熏華味鳥雞肉 ，煙熏雞肉有種cold cut火腿風味，配上和風蕃茄汁非常清新～
．前菜三點
擺盤精緻嘅前菜，分別有開胃嘅蟹肉水雲菜、鮟鱇魚乾南瓜蓉配最中餅以及淡水海鹽無花果，綿密嘅南瓜蓉夾埋鮟鱇魚乾絕對有驚喜🎃😳
．刺身三點
刺身分別係赤身、深海池魚同日本星斑，三款都非常厚切，比較少食嘅係星斑，佢肉質比較實淨但富有一種星班獨有嘅鮮味，bobo好鍾意🐟🤣
．鐵板燒
第一道鐵板燒係南非活鮑魚，製作過程只係用上簡單牛油同黑椒就吊出咗鮑魚嘅鮮味，肉質彈牙，亦可以點埋秘製蟹膏羅勒醬汁！
而時令海鮮係北海道銀鱈魚，師傅會特別將魚皮分開咁煎到金黃香脆，提升用餐體驗！鱈魚面層焦香，每舊肉都佈滿魚油香，肉質嫩滑飽滿！
而壓軸嘅係<A5 熊本和王＞牛薄燒！和牛肉充滿醇厚和牛油香，入面包住嘅香葱味非常突出亦有助解膩 ，旁邊嘅蔬菜同蕃茄都唔失禮，非常香甜juicy🤤
．茶壺海鮮湯
上枱賣相過癮，用茶壺同茶杯飲海鮮湯，海鮮湯有鰹魚味，有種養生解膩嘅感覺🍵
．炒飯
餐廳用上日本新潟魚沼米，日式白飯魚蛋炒飯飯粒分明，值得欣賞嘅係飯炒完依然軟熟！
．甜品
最後以日式蕨餅作結，煙韌嘅蕨餅配上黑糖糖漿同黃豆粉，滿足仔🥰
餐廳亦有多款特色cocktails提供，望住海景飲返杯，life is good🌊🤍
Post
