LAB10 (Closed)

朗豪坊10樓有間Lab10燒肉店，經營左多年時間，閒日午市人氣依然，尤其天氣凍凍就更加適合燒肉！燒肉放題90分鐘今次叫左Set B，每位$298起，有齊豬、牛、海鮮任燒，又有汽水、果汁梳打任飲！唔好以為90分鐘唔夠時間燒，呢間落單、上肉速度快，爐火猛烈，火喉容易控制！牛肉方面主要用美國安格斯牛肉，再細分唔同部位，豬肉、雞肉既醃製醬汁都相當出色！另外仲有炸雞、菇菜、棉花糖等選擇。個人非常推薦鵪鶉蛋紫菜飯，送燒肉一流。