Video
Read full review
2022-12-04
274 views
前後光顧咗3次嘅餐廳，食物水準一直都係令我欣賞嘅地方，唔只味道出色，連賣相都好精緻，價錢合理，環境裝修都好高質，但點解員工質素可以咁差！ 由入門口開始，Reception同事嘅說話技巧有待改善，如果需要客人喺門口等等，可以禮貌啲「請」客人等一等，而唔係「咁你等等」。服務性行業禮貌係最基本，反而我等你安排張枱比我，我唔該返你轉頭，究竟邊個serve邊個呢？ 入到餐廳，坐位嘅清潔已經做得好差，櫈上面仍然有好多食物殘渣，仲有疑似朱古力物體，我用紙巾抹一抹，係仲抹到有顏色，證明佢唔係固有污漬！然後開始落單，方圓十里只有一位員工，咁我哋叫一叫佢，當下佢雙手係捧著準備出餐嘅食物，但佢用一個非常之唔願意嘅眼神望住我哋，然後一聲不吭地走了，望住佢離去嘅背影，我真係調返轉頭覺得唔好意思，你拎住咁多嘢，得仲去叫你，比你啤返轉頭係應該嘅！不過既然你隻眼都可以啤住我，點解唔可以用個口嚟回應我，叫我哋等一等，轉頭返嚟幫我哋呢？ 真係令人匪夷所思！雖然我都好欣賞廚房師傅可以整到咁好食嘅食物，但你地係一個open kitchen，點解可以咁大聲係到講粗口呢？仲要係唔止一兩句，係我由頭坐到落尾都聽到十分地道嘅港式粗口
由入門口開始，Reception同事嘅說話技巧有待改善，如果需要客人喺門口等等，可以禮貌啲「請」客人等一等，而唔係「咁你等等」。服務性行業禮貌係最基本，反而我等你安排張枱比我，我唔該返你轉頭，究竟邊個serve邊個呢？
入到餐廳，坐位嘅清潔已經做得好差，櫈上面仍然有好多食物殘渣，仲有疑似朱古力物體，我用紙巾抹一抹，係仲抹到有顏色，證明佢唔係固有污漬！
然後開始落單，方圓十里只有一位員工，咁我哋叫一叫佢，當下佢雙手係捧著準備出餐嘅食物，但佢用一個非常之唔願意嘅眼神望住我哋，然後一聲不吭地走了，望住佢離去嘅背影，我真係調返轉頭覺得唔好意思，你拎住咁多嘢，得仲去叫你，比你啤返轉頭係應該嘅！不過既然你隻眼都可以啤住我，點解唔可以用個口嚟回應我，叫我哋等一等，轉頭返嚟幫我哋呢？ 真係令人匪夷所思！
雖然我都好欣賞廚房師傅可以整到咁好食嘅食物，但你地係一個open kitchen，點解可以咁大聲係到講粗口呢？仲要係唔止一兩句，係我由頭坐到落尾都聽到十分地道嘅港式粗口，配埋我杯港女茶，真係令到全程嘅氣氛昇華！
出餐速度都好有效率，好快就等到我哋order嘅食物，率先上枱係一碟意粉，服務員將食物上枱時，依舊保持住佢一貫嘅個人風格，堅持保持沉默，直到食物完成上枱之後，身為一個港女嘅我都好想將食物擺好角度打個卡作為紀念，點知佢隻碟熱到好似鐵板燒生牛肉嘅個塊鐵板咁，我即時熱到彈開咗，然後服務員只係好冷靜咁同我講「好熱架，唔好掂」，其實事情已經發生咗，點解唔喺上枱之前去做提醒？如果當時有小朋友喺枱，佢地多手掂咗咁點算？ 雖然我只係掂到1秒咁多，但隻手痛左15分鐘有多，其實真係講聲有咁難咩？
最後我都好沉默地完成咗餐飯，埋單時終於聽到比較禮貌嘅回應，就係「多謝晒」！
我曾經都做過餐飲業，將心比心，你食餐飯唔會想比錢買難受，就算你嚟M,唔舒服，心情幾差都好，你可以去take個break，調整下心情再返嚟繼續做嘢，唔好將自身情緒帶比你嘅客人，佢哋只係想食餐飯。
Post