Nardo's Cafe (Closed)

幾個朋友聚會見到呢間cafe食評都幾好, 就試一次啦。呢度環境都算幾舒適, 服務態度好好 : 我哋有位朋友遲啲到差5多9點先到, 朋友嚟到嗰時侍應主動提出幫我哋返熱啲食物, 感覺好窩心。不過啲嘢食就真係麻麻地。黑椒汁牛柳粒飯: 似茶餐廳大排檔飯 , 啲牛柳粒好硬, 啲汁又太多, 99蚊唔係幾抵。黑松露海蝦帶子意大利飯 。呢個就幾好食粒帶子好鮮味。香蒜忌廉煙三文魚肉意粉, 呢個就不過不失啦。呢間餐廳食物質素雖然媽麻麻地, 用比喻就係delifrance嘅味道。但勝在坐得耐, 聚會一流 。服務又幾好。唔算超級推介 但都可以一試。