Read full review
2018-01-01
321 views
2018年第一天1月1號中午全家六人(兩大,三老,一細)高高興興地去南灣The pulse商場,見到呢間日本餐廳就決定入去食lunch。經理安排一間房話免最低消費。叫完餸之後Waiter問大家飲乜嘢,我話要茶。Waiter 攞嚟兩壺茶。埋單時發現兩壼茶要收$100,我問埋單嘅職員是否每位要收茶費,佢講唔係,係每壺茶收費$50。仲話一般係一個人一壺茶。我話OK就俾咗一張信用卡俾佢埋單$1793。當該名職員攞信用卡單返嚟簽名嘅時候,我向職員提議如果每壼茶要收$50應該首先向顧客表明每壺茶的價錢,等顧客去選擇要一壺或兩壼茶。嗰個職員對我講”如果我哋同你講幾多錢一壺茶,驚你俾唔起,而且你仲係用間房”,然後都未等我簽信用卡單就走左出去!我即刻火都嚟埋!追出房門問佢係乜嘢意思?點解可以同顧客咁樣講嘢!佢連望都唔望我。我要求見經理,結果經理過嚟問我發生乜嘢事,我將事情經過話俾佢聽。經理然後去問嗰個職員,之後返嚟話可能大家有所誤會。經理同我解釋佢哋有俾drink list Menu,意思係茶在drink list 上已經標明價錢。我話俾經理聽我只不過是提個意見,並不是要佢哋唔收我茶錢。每壼要收$50應
埋單時發現兩壼茶要收$100,我問埋單嘅職員是否每位要收茶費,佢講唔係,係每壺茶收費$50。仲話一般係一個人一壺茶。我話OK就俾咗一張信用卡俾佢埋單$1793。
當該名職員攞信用卡單返嚟簽名嘅時候,我向職員提議如果每壼茶要收$50應該首先向顧客表明每壺茶的價錢,等顧客去選擇要一壺或兩壼茶。嗰個職員對我講”如果我哋同你講幾多錢一壺茶,驚你俾唔起,而且你仲係用間房”,然後都未等我簽信用卡單就走左出去!
我即刻火都嚟埋!追出房門問佢係乜嘢意思?點解可以同顧客咁樣講嘢!佢連望都唔望我。我要求見經理,結果經理過嚟問我發生乜嘢事,我將事情經過話俾佢聽。經理然後去問嗰個職員,之後返嚟話可能大家有所誤會。經理同我解釋佢哋有俾drink list Menu,意思係茶在drink list 上已經標明價錢。我話俾經理聽我只不過是提個意見,並不是要佢哋唔收我茶錢。每壼要收$50應該講比顧客聽,等顧客自己去選擇要幾多壺茶。而且一般日本餐廳飲茶水都是免費。經理最後有道歉,但是當時氣氛已經非常之差!
一間苦心經營嘅餐廳,餐廳廚師用心炮製食物。但係食物幾好食都無用,俾一個倒米嘅伙計三兩句說話就趕走一個本來會再光顧的顧客。希望呢間餐廳嘅老闆可以好好地培訓一下員工對待顧客的態度。光明磊落地令到顧客知道消費嘅價錢,虛心接受顧客的意見,這樣只會贏得顧客的支持和諒解。現時香港食肆競爭巨大,想用茶錢掠水絕對不是經營之道。倒不如努力注重食物質量,服務態度,贏得顧客的讚賞,令顧客覺得就算貴都是值得的!
Post