甜姨姨私房甜品 (清風街)

Open Now

Now Closed

　　　自從BB出世之後，好不容易與老婆散步，我地係住跑台山，行過來都唔係好遠，原來諗食完晚飯出來散步順便去下＂彌月屋＂坐下，點知彌月屋出面不單止連張櫈仔坐下都無，連招呼人排籌既人都無，咁即係客多得制趕客，好去其他地方睇下，見到隔來甜姨姨甜住一張阿蘇既相，我老婆話＂天與地＂有一幕響依度拍，（我無追開），之後就諗住入去坐下。　　　入到去無人招呼，算，得一個響度初緊麵粉定包緊野既阿姨，入座率5成。。打開MENU都好多選擇，冷熱甜品都有，主打豆腐同生果，有雪榚，最後點左：豆漿冰，木糠奶凍，豆腐西米露，同木桶豆腐～（正式名唔記得），木桶豆腐係熱既，上個時比個計時器比你，原來係等到響果時先好開蓋～Overall來講，選擇多，價錢平，份量夠，係十分好既甜品店，不過地方同餐桌椅方便可以upgrade下，食用期間人漸漸多，有OL提到＂天與地＂，雖然全程無人serve你，埋單請去收銀台，但係出門口同老婆都好開心～！