First Sweet

唔好去買佢哋嘅朱古力雪糕雞蛋仔
店前有show朱古力雪糕雞蛋仔嘅模型show 俾人睇個食物係點樣嘅，明明模型上面有兩球雪糕同有朱古力粒，點知出到嚟得一球雪糕仲連朱古力粒都冇。
咁我就問個商家點解得一球雪糕同無朱古力粒，點知佢反問返我係咪冇嚟過佢呢度買嘢？
係咪搞笑？ 梗係第一次買先問你啦，同埋你而家係咪淨係做熟客啫，問埋我啲咁嘅問題。
同埋重點係你擺得出嚟俾人睇你個範例就應該要圖文一樣啦，如果唔係你就唔好擺出嚟。你呢啲叫欺騙消費者，我可以告你架。
都算啦，當你真係得一球雪糕，咁我問你嘅時候你第一句係咪應該同我講唔好意思先啊，而家係你圖文不符喎，仲要夠膽死第一句就問我係咪冇嚟過呢度買嘢。
呢個係我第一次喺呢度買嘢，都係最後一次。