Video
Read full review
2011-09-03
122 views
尋晚同媽媽上去食飯, 點咗2個特價餸: 1) 南乳定唔知咩炸雞 $38 2) 蒜蓉粉絲蒸扇貝4隻 $38炸雞外層乾身, 幾香口, 味道不俗~ 扇貝以咁嘅價錢算大隻, 幾好肉~另加正價小菜1個: 1) 蝦膏炒通菜 $58 普通通菜一碟, 無咩特別~埋單$191 食物一般唔太差~但係服務態度極惡劣, 我地坐張枱中間隔咗條柱, 只能兩母女一人睇一邊電視, 一部無線、一部亞視我媽見無乜人睇電就要求一名侍應轉台到無線俾我睇, 其實我無追開唔睇都ok, 如果個侍應有禮地回應:唔好意思, 公司規定唔轉得台架~ 或什麼的, 我都會接受, 但係佢地直頭當我們透明一樣, 叫多2次, 佢先好無禮貌咁話有其他人睇緊(其實真係無人睇緊), 佢係純粹唔想做; ok咁揾第2個阿姐, 我話: 唔好意思, 我真係想睇無線, 你如果唔方便轉台, 不如我地轉坐隔離果張枱吖, 果時起碼有一半嘅枱係無人坐(我自問好有禮貌), 點知佢亦無禮地回應: 入咗單唔轉得枱喎!!! (無回應轉台問題就走咗) 再叫住佢, 佢就更無禮地回應:我無搖控架小姐!!!我已經好嬲, 電視已經唔係重點, 佢地態度實在太惡劣了, 我走去同部長講返呢
1) 南乳定唔知咩炸雞 $38
2) 蒜蓉粉絲蒸扇貝4隻 $38
炸雞外層乾身, 幾香口, 味道不俗~
扇貝以咁嘅價錢算大隻, 幾好肉~
另加正價小菜1個:
1) 蝦膏炒通菜 $58
普通通菜一碟, 無咩特別~
埋單$191
食物一般唔太差~
但係服務態度極惡劣, 我地坐張枱中間隔咗條柱, 只能兩母女一人睇一邊電視, 一部無線、一部亞視
我媽見無乜人睇電就要求一名侍應轉台到無線俾我睇, 其實我無追開唔睇都ok,
如果個侍應有禮地回應:唔好意思, 公司規定唔轉得台架~ 或什麼的, 我都會接受,
但係佢地直頭當我們透明一樣, 叫多2次, 佢先好無禮貌咁話有其他人睇緊(其實真係無人睇緊), 佢係純粹唔想做;
ok咁揾第2個阿姐, 我話: 唔好意思, 我真係想睇無線, 你如果唔方便轉台, 不如我地轉坐隔離果張枱吖, 果時起碼有一半嘅枱係無人坐(我自問好有禮貌),
點知佢亦無禮地回應: 入咗單唔轉得枱喎!!! (無回應轉台問題就走咗) 再叫住佢, 佢就更無禮地回應:我無搖控架小姐!!!
我已經好嬲, 電視已經唔係重點, 佢地態度實在太惡劣了, 我走去同部長講返呢件事, 睇下佢會點解決.
點知佢話: d單入咗電腦, 如果轉枱會亂(如果冷氣滴水或張枱"冧"咗點算??)根本係唔想做~
其實我真係唔睇都行, 但係我問咗3個人, 3個人都唔理我地, 無禮貌之餘, 亦無人講個一句"唔好意思"或"對唔住"嘅字眼~
淨係用唔耐煩同唔理我來作回應!!!!
我唔係話我俾錢大晒, 乜都要就我(雖然我自問我嘅要求唔過份), 雖然我地食特價菜, 但係佢都無理由仲惡過我, 當我地乞衣咁囉~
不過我見張大枱又開幾枝紅洒, 又點d貴嘅餸, 佢地就好好服務~
Post