(1) menu明明寫4人餐係 $538，外賣圈已經收左我$60運費，但埋單4人餐變左 $570😅 好奇問下外賣員，換來態度超唔好的一句: 我都唔想問番餐廳點解收貴左，你俾番 $538啦，當我請你食！
(我心諗: 我都係問下姐，你講到咁😅 我最後都照俾番 $570，因為我地唔需要你請☺️)
(2) 4人餐包括4個統一布甸，餐廳話無曬布甸喎😊 除左無減番錢，亦都無話換番同等價值既食物俾我地…個餐少左野，最後仲要收貴幾十蚊，係咩野道理？
(3) 4人餐既4杯黑糖珍珠鮮奶限制客人一定要嗌凍飲？其中一個朋友從不飲凍飲，想轉熱飲，外賣員表示無得轉熱，話少冰啦😓 最後朋友完全飲唔到，浪費左成杯🙁
(我心諗: 你幫我揀埋食咩好唔好？想像唔到我嗌外賣，連杯野飲凍定熱都無得揀？🙄)
(4) 食物質素真係好失望，完全講不上好食😅 有圖有真相，淨係睇碗魯肉飯極少份量既魯肉，都覺得好求其好無誠意😓 魯肉係完全無味，仲有陣酸味…另一款有魯肉既菜都係酸既😑 其他食物都平平無奇，完全不值一提😣 成個餐最好飲係杯黑糖珍珠鮮奶…真係要檢討一下😅
圖中食物我地每人夾左$150…(當中包括左運費同解釋唔到既”海鮮價”) 份量少都算，最慘係唔好食😅 仲要激鬼氣，黃店同黃外賣圈唔係大曬嫁😕
以上提出既幾點，餐廳同外賣員都好明顯有溝通上既問題，無論係上調左既價錢、4人餐無左布甸、凍熱飲，我覺得雙方都可以安排得好啲。我絕對接受合理解釋，但外賣員同餐廳似乎都無打算同客人交待番仼何野。你食就食，唔食就罷就，依個態度真係完全唔ok😉 今時今日咁既服務態度…中過伏一次，真係無下次囉🤨
1
