Video
Read full review
2017-12-17
514 views
周末晚飯本身同老婆到Yoho 諗住食Outback, 但要等太多張枱，於是搵其他，見Simply Life 即刻有位，咪諗住試試，以往都有喺其他地方食過，印象都ok，點知開展貼錢買難受既一餐飯。------------------首先帶你坐低既一位小姐已經態度好一般，歡迎都無聲，ok 無所謂，我都唔係吹毛求疵。坐低隔左好耐都無人攞水同menu 過黎，但餐廳本身有一半吉枱，人客不多，等左10分鐘決定舉手問。-----------------Order 食物後，我見半個鐘都未到，咪舉手問下會唔會漏單，完全無催既成份，有位高級dd既男士路過回應: 幫你睇睇。如是者等多10分鐘都無人答我，我又再舉手，呢個時候位男士先答我: 做緊嫁喇，等多陣啦(我感受到既態度仲衰過茶餐廳伙記)，我再問佢: 其實係咪漏左單？ 佢黑面回應: 無呀，我點咪落左單囉。為免多事，咁我就答話唔該哂。但你都識講8點已經落左，而家已經8:45，人又唔係多，我好聲好氣問，好似欠佢咁。----------------食物再隔10分鐘到，我叫左塊10oz扒，加個意粉，質素一般，但差過Outback, 不消15分鐘食完已經想盡快走，去
周末晚飯本身同老婆到Yoho 諗住食Outback, 但要等太多張枱，於是搵其他，見Simply Life 即刻有位，咪諗住試試，以往都有喺其他地方食過，印象都ok，點知開展貼錢買難受既一餐飯。
------------------
首先帶你坐低既一位小姐已經態度好一般，歡迎都無聲，ok 無所謂，我都唔係吹毛求疵。坐低隔左好耐都無人攞水同menu 過黎，但餐廳本身有一半吉枱，人客不多，等左10分鐘決定舉手問。
-----------------
Order 食物後，我見半個鐘都未到，咪舉手問下會唔會漏單，完全無催既成份，有位高級dd既男士路過回應: 幫你睇睇。如是者等多10分鐘都無人答我，我又再舉手，呢個時候位男士先答我: 做緊嫁喇，等多陣啦(我感受到既態度仲衰過茶餐廳伙記)，我再問佢: 其實係咪漏左單？ 佢黑面回應: 無呀，我點咪落左單囉。為免多事，咁我就答話唔該哂。但你都識講8點已經落左，而家已經8:45，人又唔係多，我好聲好氣問，好似欠佢咁。
----------------
食物再隔10分鐘到，我叫左塊10oz扒，加個意粉，質素一般，但差過Outback, 不消15分鐘食完已經想盡快走，去行下商場好過，於是叫埋單。
----------------
今次好快回應，有位女士攞塊板連埋單過黎，就咁隊過黎我張枱，一隻字都無講過。(正常都會問下邊位簽帳，多謝您$370，咁掛？) Ok, fine, 我攞黎簽，簽完佢MIT 張底單比我，望都無望過我，一隻多謝thank you 都無，我望下佢個樣又係黑口黑面。全晚2個Set 附送黑口黑面，盛惠$370.
----------------
總結
我相信呢間舖既員工應該好大壓力，我全晚接觸既員工都黑口黑面，每個都毫無禮貌，我感覺係貼錢買難受，去食野好似欠左佢地咁。
我自問對呢方面要求不高，但今次真係忍唔住出post, 麥記d 姐姐比佢地有禮貌十倍。我以前食過其他Simply Life 都不是咁，不知是否而家變左，還是係Yoho 店問題。
Post
