牛の鍋日本料理

Open Now

Now Closed

周五晚上與友人相聚，見OpenRice評價都唔錯，打算一行六人試試呢間邊爐放題。因為當晚都比較多人，店員安排了一張四人卡位，另外係走廊加一張細枱。咁我哋都無問題，人多大家互相就下好平常。店家爐頭設計比較特別，四人卡位大枱有五個爐頭(五筒咁擺)，細枱就得一個爐頭。叫湯底嗰時，我哋都客氣地問細枱兩位可唔可以用鴛鴦鍋，咁佢哋都可以揀自己想要嘅湯底。第一次店員姨姨不予理會，只叫細枱其中一位友人用大枱中間嗰爐，跟住就走左去。第二次店員姨姨過嚟，我哋再禮貌地表示友人企起身用大枱中間爐頭嘅話，d熱湯同食物夾嚟夾去都危險同埋唔方便，可唔可以讓細枱兩位用鴛鴦鍋。點知店員姨姨就大聲呵斥我哋，叫我哋收聲，同埋唔好講嘢。嗰刻大家都呆左，因為我哋由頭到尾都客客氣氣，而且見到其他客人都可以用鴛鴦鍋。但真係唔方便同危險先兩次請佢用鴛鴦鍋，並非存心刁難，點知咁都會比人鬧。知道周五晚上的確比較多人，可能做到燥。但就算唔係對住客人，面對一個陌生人都唔會大聲叫人收聲。結果友人懷住一肚氣食埋餐飯，不過真心，無下次。