117
7
3
Level3
62
0
2020-08-23 713 views
成日喺炮台山覓食,今日試下呢間黃店。餐廳黎講,唔理黃藍,最緊要味道同態度。叫咗個鮮茄金菇南瓜通粉,配餐肉、鮮奶炒蛋、丹麥酥多士、茶走。落單嗰陣都好地地,到個餐一上台,咦,餐肉呢?侍應俾錯咗腸仔。叫個女侍應黎,話:唔好意思呀,我轉餐肉架。點知個侍應話:無餐肉架!吓?咁妳頭先落單嗰陣又唔講?懷疑佢落錯單,於是喺佢行開嗰陣,叫另外一個男侍應黎,問:我轉餐肉架,可唔可以幫我換返?男侍應:無得轉餐肉架!吓。然後聽到隔離台叫餐肉,又有喎!你哋啲侍應落錯單,唔道歉都算啦,換返咪無事囖。死都唔認錯,仲要一個呃我話無餐肉,一個呃我話無得轉餐肉......講大話都夾吓口供先啦......講真,食物味道 OK架,只不過個奶茶杯嘅外觀得人驚少少,同埋服務態度差少少囖。
Read full review
成日喺炮台山覓食,今日試下呢間黃店。餐廳黎講,唔理黃藍,最緊要味道同態度。

叫咗個鮮茄金菇南瓜通粉,配餐肉、鮮奶炒蛋、丹麥酥多士、茶走。

落單嗰陣都好地地,到個餐一上台,咦,餐肉呢?侍應俾錯咗腸仔。


叫個女侍應黎,話:唔好意思呀,我轉餐肉架。

點知個侍應話:無餐肉架!

吓?咁妳頭先落單嗰陣又唔講?


懷疑佢落錯單,於是喺佢行開嗰陣,叫另外一個男侍應黎,問:我轉餐肉架,可唔可以幫我換返?

侍應:無得轉餐肉架!

吓。

然後聽到隔離台叫餐肉,又有喎!

你哋啲侍應落錯單,唔道歉都算啦,換返咪無事囖。死都唔認錯,仲要一個呃我話無餐肉,一個呃我話無得轉餐肉......講大話都夾吓口供先啦......

講真,食物味道 OK架,只不過個奶茶杯嘅外觀得人驚少少,同埋服務態度差少少囖。


$33
33 views
0 likes
0 comments
$33
25 views
0 likes
0 comments
(The above review is the personal opinion of a user which does not represent OpenRice's point of view.)
Post
DETAILED RATING
Decor
Service
Hygiene
Dining Method
Dine In
Type of Meal
Breakfast