上村牧場 (Closed)

呢間係朋友食過話好食介紹嘅本身就唔鍾意食任何形式嘅放題，不過呢間都嘗可一試。我地order薩摩牛個set，五百幾蚊加一每碟細細碟，大約都試左menu上8成嘅牛。最好食係點蛋汁嘅壽喜燒，仲有無限雞蛋供應侍應姐姐好勤力好好禮貌，淨係換網都換左6次，又主動換碟，細心。依度座位較窄，如果肥少少應該會坐得唔舒服。同埋飲品少選擇，一係茶/咖啡，一係汽水，一係超甜果汁。加錢可以有酒精飲品放題，不過因為有下場所以冇嗌。最後我係選擇飲水。可能因為weekday去唔算忙，夠鐘都冇趕我地走。下次可以再嚟👍