聚龍燒味茶餐廳 (Closed)

我只幫襯過三、四次，又無得罪過佢D伙記，Why？？一向都知呢間野舖面唔係好乾淨，所以不會堂食，但佢D燒味OK，間中會買燒味外賣，點知連佢D伙記都好唔掂，完全唔分先後次序，我兩三次去買都係最早畀飛，最遲拎外賣，上次個伙記阿叔行埋燒味部幫客人拎飛遞入燒味台，我明明企前面，佢隨手就拎後面的飛遞入去先，連後面個哥哥都指住我話佢先、佢先，結果當然係出左個哥哥盒飯先，我雖然有少少唔高興，但我諗，我買半斤燒味，個哥哥只係買個飯盒，整佢個先都無所謂啦！點知今次又係咁，我真係嬲！！！我行埋燒味部畀飛個伙記阿姐，然後行出門口等，點知後面有七、八盒野，遲過我畀飛，全部都拎晒，有幾盒燒味飯，又有人買一隻雞，一斤燒肉，後過我畀飛都出晒，唔通半隻燒鴨難斬D？？？？結果我後面畀飛的四、五個人都走左，我都未有，我催阿姐，佢叫我等等，我等到側邊最後兩個人都走左，入面都無斬燒鴨，我再催佢，佢先同裏面講，半隻燒鴨快D有無攪錯，呢間野重好似以前D酒樓咁，做上面D單先？？先畀的單砸底，最後先整 !!!! 太過份明明最早畀飛，但次次都係最遲先有得拎，根本就係D伙記無秩序、無規舉，做野求祈，唔尊重顧客。