常悅素食 (Moved) New Location

回歸香港，打算來個素菜午餐，記得這裡評價不錯，怎料中招…午飯時間，與兩位中年婦人搭〔木台〕一同用膳，茶都未上其中一位婦人已一手拿起桌上唯一的點心紙左畫右畫。我同男友唯有乖乖等侍應送上另一張點心紙。見唔係太肚餓，點左三個點心一個粥。粟米粥－－唯一較清既食物，但都好鹹豆沙鍋餅－－原來以為會係燒餅皮，點知變左奄列蛋皮，好怪，豆沙又唔甜，唔好食。小籠包－－好鹹好鹹，比肉食既小籠包更鹹。蘿蔔絲酥餅－－佢上錯左，但我地又唔記得無點。蘿蔔絲偏濃味，餅底好多芝麻，唔鍾意。清菜－－落多左單，本來想唔要但男友話無所謂。好多豉油同油，好唔清淡侍應粗聲粗氣，又落錯單，又夾硬上左一個要收$6既前菜。臨走時仲見到ｄ恐怖野。侍應將我地桌既公筷收左就直接俾隔離桌用，完成無諗過我地可能用過，好恐怖！埋單$114。總括食物唔清淡，價錢唔公道，最差係唔衛生，即時打入黑名單。