Japanese Restaurant Doraya (Hau Fook Street)

已經食左好多年，由有任食沙律吧，去到疫情，到捱過左疫情。



明明間餐廳唔多人，係門口話一位，都可以唔理個客人。講左左兩次先應我。

結果叫左一個吞拿魚扒飯，間餐廳有一半以上空枱，等左二十分鐘都未有，後來嘅客人都食緊，要催兩次先有。

侍應不停傾偈，即係唔係唔俾你講。但講到勁大聲。客人催單都愛理不理嘅樣。

平時多人都唔使等咁耐，擺明漏單。

份量已經比以前少，塊扒已經比以前薄。
壽司飯無以前咁好食，硬到隔夜飯咁。

好希望老闆關注一下員工服務同食物質素。
希望唔係最後一次嚟幫襯。真心失望。

好耐未試過未食完就寫食評。