千之味刺身壽司專門店 (雅都花園)

Open Now

Now Closed

千之味終於開到黎屯門，當然要多多支持，舖位係新墟雅都，係後面街近街市果邊。舖頭好闊落，又光鮮明亮。好，睇吓有咩好食先。外賣自取套餐好抵食，仲跟一包嘢飲，叫咗五色丼，赤蝦大隻肥美，魚生大大塊厚切，塞爆個飯碗，赤身顏色夠紅潤，非常新鮮，食落有魚味，三文魚同油甘魚，就好油潤。壽司餐，有十件壽司，每一粒都係比魚生完美地遮蓋舊飯，脹卜卜。劍魚腩壽司個魚油脂感好重，火炙黑椒三文魚壽司，好香黑椒味道，燒過嘅三文魚食落冇咁漏。七味雞翼，炸到金黃色香脆嘅雞翼，上面係惹味七味粉，外脆內嫩，啱啱好，雞翼有油唔會乾。