Video
Read full review
2008-07-22
63 views
缺點:1.訂位問題眾所周知台竹夜晚多數大排長龍, 於是諗住打電話去訂位.開頭佢問我幾位, 我話三位. 跟住佢問我想訂幾點, 我話七點.佢就話:「咁你到時直接黎得架喇, 唔洗訂.」(當時六點)咁我就以為七點未到等位高峰期, 諗住去到可以即時有位啦. 之後去到七點左右, 見到已經有人等緊位, 我就問:「又話直接黎就得, 唔洗訂位?」點知佢話:「要四人以上先訂得.」四人先訂得唔緊要, 但好心接電話o既職員就講清楚d啦,講到好似七點唔使等位咁, 佢講清楚d我地就可以早d出門,唔使咁掃興...同埋佢係問完訂位時間, 而唔係人數先話唔訂得,用「四人以上先訂得」黎解釋好唔合邏輯...同埋四人同三人有咩分別? 都係坐一張枱姐...比佢吹脹!2.冇溫水/ 凍水供應, 只有滾水!我地有叫飲品, 但都想要杯溫水, 點知咁大間鋪連杯溫水都冇...3.火鍋料永遠黎唔齊, 份量不均!睇落好多選擇, 其實咩都冇...eg 佢話自助火鍋可以任食碗仔翅, 但七點左右已經冇晒叫牛丸、貢丸時, 同樣寫"1", 有時黎一粒, 有時黎一碟,以為漏左單再點過, 點知最後一次過黎, 搞到最後食剩好多丸...4.冷氣唔夠凍, 坐得耐
1.訂位問題
眾所周知台竹夜晚多數大排長龍, 於是諗住打電話去訂位.
開頭佢問我幾位, 我話三位. 跟住佢問我想訂幾點, 我話七點.
佢就話:「咁你到時直接黎得架喇, 唔洗訂.」(當時六點)
咁我就以為七點未到等位高峰期, 諗住去到可以即時有位啦.
之後去到七點左右, 見到已經有人等緊位, 我就問:「又話直接
黎就得, 唔洗訂位?」點知佢話:「要四人以上先訂得.」
四人先訂得唔緊要, 但好心接電話o既職員就講清楚d啦,
講到好似七點唔使等位咁, 佢講清楚d我地就可以早d出門,
唔使咁掃興...同埋佢係問完訂位時間, 而唔係人數先話唔訂得,
用「四人以上先訂得」黎解釋好唔合邏輯...同埋四人同三人
有咩分別? 都係坐一張枱姐...比佢吹脹!
2.冇溫水/ 凍水供應, 只有滾水!
我地有叫飲品, 但都想要杯溫水, 點知咁大間鋪連杯溫水都冇...
3.火鍋料永遠黎唔齊, 份量不均!
睇落好多選擇, 其實咩都冇...
eg 佢話自助火鍋可以任食碗仔翅, 但七點左右已經冇晒
叫牛丸、貢丸時, 同樣寫"1", 有時黎一粒, 有時黎一碟,
以為漏左單再點過, 點知最後一次過黎, 搞到最後食剩好多丸...
4.冷氣唔夠凍, 坐得耐好焗
尤其係去食火鍋!
優點:
1.抵! $47火鍋任食
2.多火鍋料選擇 (雖然未必齊)
3.唔使加一
4.出前一丁唔使另外收費
5.飲品唔算貴
飲"xx冰"($6)抵過"xx汁"($5), 耐飲好多, 只係貴$1
西瓜冰唔錯, 但木瓜冰太淡
6.有張好大o既枱, 十幾廿人都去得! (當然要訂位)
Post