Outback Steakhouse (尖沙咀中心) (Closed)

成家人出外食飯，好耐無試過囉，老人家話都食扒，咪出城試下囉。燒蝦凱撒沙律 - 蝦好好，但沙律個汁太咸。甜蝦冷盤 - 麻麻，得個凍字。洋蔥花 - 睇左好多食評都話太油，我又唔覺喎，都幾好，可能我慣左油膩啦。肉眼扒 - 叫五成，黎到變九成半，好彩都唔太差，而且有人唔鐘意見紅，算！豬肋骨 - 講真，我唔「好」，但其他人話好。羊架 - 對比肉眼扒黎講算唔錯，鐘意食羊可以一試。用餐期間經理黎問d野得唔得，咁我當然唔客氣話個肉眼扒唔掂啦，佢都有話同我地換(都食左半架啦)，不過我話算，反正有人鐘意熟。食完收野時，侍應話經理話送返個甜品俾我地，我要左個雲呢拿朱古力軟餅。五人埋單，一千多d。ps：肥人要早d去霸位，無得簡位就麻煩，因為佢d卡位好窄。