本以為$2400全體乳豬宴應不算太差勁，點知除了隻豬叫左脆皮有口感外，其他不是無乜味就是過熟或看似未熟又或是極不新鮮，都算，在深水埗這屬於平價消費的地方，不敢有太高期望。
食物難吃都算，點知服務員態度更差，首先叫上菜，原先怕菜一個接一個來得太快，就叫佢可上慢啲，點知等足20分鐘都未上菜，嘛問問啦，結果阿姐就好晦氣答你「隻豬要時間燒的嘛」，嫌你好煩咁，都算，等多陣，結果一來就來幾款包括佔半張枱的乳豬，伊麵同節瓜蒸瑤柱，仲有翅，放滿張枱（張枱細），隻乳豬未斬（原來是給客人玩堂剪），一心諗住快點清左佢就問服務員可否幫手剪，點知P服務員（女人來的）就答「叫我剪要幾舊水的喎」，仲話餐單寫明堂剪即客人自己剪，嘛答佢寫堂剪無話要自己剪亦無寫要另收費，跟住就又話叫我地剪要幾舊水等說話
態度語氣非常惡劣，都算，咁唯有自己慢慢吃慢慢剪，因為張枱已無位放，我就同佢講，咁唔好上菜住，正常服務員都會講，其他菜一陣先放上來，個p服務員就跟另一個高一級的K服務員（又是女人）的講，「個客話暫停上菜喎」語氣衰到無人有不得止，仲驚死你無聽到，在隔離大大聲討論，高一級個K服務員竟然黑住塊面講「暫停上菜，一陣唔知可唔可以揾得返張單的喎等說話」，我掛住剪隻豬未來得及反應，我爸一聽到就好嬲咁閙個兩個態度極差的女人（叫佢服務員會影衰其他專業人士）
，跟住先唔敢再講，之後兩個都唔敢再埋我地張枱。
後來因太多菜未吃完嘛叫低級個個P女人來，要兩個外賣盒，跟住個女人就好串咁講要兩蚊一個的，叫你攞就攞啦，個P女人好似前世無講過野，不停講梗係要講啦，係要講的嘛，家姐忍不住叫佢，唔該你態度好啲，個P女人竟然話乜你咁難服侍的，直情想同客吵架，完全不知所謂，仲一路行一路回頭閙
簡直不知所謂，直至我地話叫經理來投訴，個個女人先唔敢再出聲，同埋無再出來，所以先無出聲。
其實一直都無投訴的意思，只是想開開心心吃餐飯，唔要求好服務，都應有基本的禮貌吧，我付錢來吃飯，唔想做就唔好做，但請不要攞客人來出氣，態度實在太差，當然經理都做不到任何事，但見到此情況，起碼服務的都轉轉較好的態度。
呢間已列入黑名單，不會再光顧。
想去的請考慮清楚，唔介意受氣的就即管去。
