Video
Read full review
2021-05-09
442 views
呢日同幾個朋友GATHER 有人提議食大渣哥由於我都想試好耐 所以諗都唔使諗即刻應承雖然食物價錢有啲偏貴 選擇方面又唔係話好特別但依然有幾樣想試幾經糾結 我揀咗蔥油豬扒煎蛋飯我老公揀咗干炒牛河我朋友就分別揀咗野菌松露汁鯛魚柳飯同埋肉醬意粉首先必須大讚 接ORDER嗰位姐姐超級好禮貌老實講 我真係好少打去茶餐廳嗌嘢食係會遇到唔令人懊惱兼好聲好氣嘅姐姐佢嗰種正能量 令到我哋覺得嗰日充滿元氣然後因為我哋個ORDER夠 200 蚊所以個餐廳係有職員送外賣去我朋友度而佢送餐時間都好合理 唔會話太耐更令我哋感動嘅係 所有食物送到嚟嘅溫度都依然仲係 100分 凍飲仲係好凍 冇話因為同啲飯一齊送嚟回溫咗主食全部都好夠熱 冇話攤凍晒講真 真係唔易做到 有時甚至堂食呀 啲食物溫度都未必合格講番我個豬扒飯如果你係追求減肥嘅女性你可能會覺得嗰兩件豬扒太肥但本人同老公都係愛食唔愛靚嘅表表者 我哋見到塊豬扒有三成肥時即刻由心入面興奮咗出嚟之後我哋咬落塊半肥瘦豬扒度嘩！脂肪嘅香味好濃烈呀！有咬感得嚟又唔會話太柴或太稔同溫度一樣恰到好處又完全冇臭豬味 真係好出色 我哋估計同貨源靚絕對有關而佢廚師嘅功力都好好 塊豬扒煎
有人提議食大渣哥
由於我都想試好耐 所以諗都唔使諗即刻應承
雖然食物價錢有啲偏貴
選擇方面又唔係話好特別
但依然有幾樣想試
幾經糾結 我揀咗蔥油豬扒煎蛋飯
我老公揀咗干炒牛河
我朋友就分別揀咗野菌松露汁鯛魚柳飯
同埋肉醬意粉
首先必須大讚 接ORDER嗰位姐姐超級好禮貌
老實講 我真係好少打去茶餐廳嗌嘢食係會遇到唔令人懊惱兼好聲好氣嘅姐姐
佢嗰種正能量 令到我哋覺得嗰日充滿元氣
然後因為我哋個ORDER夠 200 蚊
所以個餐廳係有職員送外賣去我朋友度
而佢送餐時間都好合理 唔會話太耐
更令我哋感動嘅係
所有食物送到嚟嘅溫度都依然仲係 100分
凍飲仲係好凍 冇話因為同啲飯一齊送嚟回溫咗
主食全部都好夠熱 冇話攤凍晒
講真 真係唔易做到
有時甚至堂食呀 啲食物溫度都未必合格
講番我個豬扒飯
如果你係追求減肥嘅女性
你可能會覺得嗰兩件豬扒太肥
但本人同老公都係愛食唔愛靚嘅表表者
我哋見到塊豬扒有三成肥時
即刻由心入面興奮咗出嚟
之後我哋咬落塊半肥瘦豬扒度
嘩！脂肪嘅香味好濃烈呀！
有咬感得嚟又唔會話太柴或太稔
同溫度一樣恰到好處
又完全冇臭豬味 真係好出色
我哋估計同貨源靚絕對有關
而佢廚師嘅功力都好好
塊豬扒煎到有少少焦糖香
加埋仲有啲豉油嘅焦香
然後要講講煎蛋
佢唔係燶邊蛋 老實講有啲失望
但佢又好太陽蛋 蛋漿嘅香味都好夠
溝埋啲唔油膩但充滿蔥香嘅蔥油嚟食
係夾嘅
最後連跟餐嘅凍檸茶少甜都非常討喜
唔知點解有少少細個飲開嗰隻雀檸嘅味道
顏色亦好通透
依家要喺街度尋找番呢種童年回憶
都真係唔易
整體嚟講 真係好大驚喜
下次一定要再叫第二啲嘢試
睇吓佢有冇潛力成為我哋嘅飯堂先
蔥油豬扒煎蛋飯
19 views
0 likes
0 comments
15 views
0 likes
0 comments
干炒牛河
16 views
0 likes
0 comments
Post
