Lin Tai Restaurant

廚房手勢好，菜式有創意又有特色，味道方面都有驚喜，唔係一般中菜咁單調，食得出廚師有用心去設計每一道餸。

侍應態度冷淡！地方偏細，枱與枱之間距離唔多，坐得好迫！最失望係我哋大半個月前已經預訂咗五個人，只安排咗門口一張四人枱而事前並未知會，坐得非常唔舒服，感覺不被重視！

價錢偏貴，但考慮到食材質素，尚算可以接受。上菜速度比較慢，第一道餸等咗成20分鐘，食完之後又再等多15分鐘先有第二道，成餐飯都係斷斷續續咁食，大部分時間都係坐喺度呆等。

如果你唔介意服務同環境，係一個嚟食飯嘅I人，而且身形瘦削嘅話，呢間餐廳可以一試。