老沸爺火鍋 (Closed)

黎銅鑼灣無啦啦好想食打邊爐，呢度嘅麻辣鴨血好鬼吸引，即刻搵埋男朋友一齊試試佢，呢度原盅燉湯湯底打邊爐都好吸引呀！因為想試吓原盅燉湯嘅湯底，所以就揀咗$288嘅任打邊爐3小時，鴛鴦湯底唔洗額外加錢。呢度仲有幾款小食，雞翼尖都幾好食，好似B仔涼粉啲雞翼尖咁，夠辣！先會倒一碗湯俾我哋飲，再將原盅湯底倒落鍋，好新鮮好足料，個湯好鮮甜！呢度好潮好先進，掃QR code可以自助落單，又有大量野飲同蔬菜任你拎，好多選擇！唯一缺點係餐廳環境太暗，感覺冇咁舒服，不過食物質素都唔錯，服務質素簡直超晒標，餐廳員工好樂意介紹美食，收碗碟又快，經常會問你需要，滿足你所需，所以都值得一試！