拉麵台風 (Moved) New Location

見上網comment不錯,身邊有人食過都話ok,情人節不想高消費,所以收工就過左黎.6點幾黎到,都有3-4個人等.等左一陣就好快有位.等的途中,有staff俾左張落單紙同筆俾我地先落order,其實不太餓,又唔想食辣,所以最後大家都食左最普通的魚介豬骨湯拉麵.因為唔知個都有蛋,所以我加左$12蚊要隻溫泉蛋.好快有位,入去坐後,staff就問我地拎左d袋,幫我地勾起.再俾左條橡筋我,等我可以方便紮起頭髮.但眼見旁邊的女仔都無紮...坐bar枱,一路等食,都會聽到佢地久不久會講日文溝通.日式的感覺.牆的裝修都幾特別. 麵到了,飲了一啖湯,還可以.之後再加左少少魚介一起,麵不好吃,我選普通的,但還是略嫌有點硬,而麵的質感和口感也不太吸引.叉燒是很瘦的,沒太多肥,合我意.但淡而無味,而且un的,有d真係咬唔開...配菜有荀和半隻溫泉蛋.還有很蛋檸檬的水免費贈送.麵有很多,但引不起興趣把他清光.食完後,好快就埋單.出到門口,見到條龍都唔短,唔派籌,大家都企在門口對出等.幸而我早到.要不要等,然後再食呢個不太好食的麵,就真的不太值了...