Video
Read full review
2018-01-30
694 views
上網見到呢間新開張兼有半價優惠同任食生蠔所以就試下，預先打電話book位夜晚6點準時入座，雖然只係得兩個人，但都有得坐4-6人既大桌。餐廳用手機wechat點餐，唔洗好似平時啲放題咁寫紙，方便又環保👍。店員服務態度都好好，收碟收得密同快，仲會幫你放好其他碟。自己有試拎過啲碟，啲碟其實都真係幾重下，啲店員每次要拎咁多周圍行都幾辛苦。講番啲野食先，生蠔係任食，但唔會好細隻，而且仲有唔少汁可以自己選擇，紅酒醋同莎莎醬都幾唔錯。另外可能係因為試業期間，每位會送一款龍蝦，每隻都好多膏，啲肉都好鮮甜，個鉗都會預先扑碎，食起上黎都唔會話好唔方便。刺身都新鮮同厚切，尤其係吞拿魚同三文魚！壽司都好多特別款式，個人最中意芒果花之戀同黑松露壽司。燒物都值得一試，特別推介大家試下個牛舌，好香好滑。袖子雞翼都煎得恰到好處。食到後尾先知原來餐廳另一邊有個自助吧，有即煮意粉同炒菜，仲有啲熟食選擇。如果食得太多生冷野想換下口味都係唔錯既選擇。另外甜品都有唔少選擇，有啲細細杯既啫喱，岩晒啲想試唔同款既朋友😼另外仲有movenpick 雪糕！不過淨係得士多啤梨同朱古力兩款選擇。整體而言都好抵食! 就算冇半價都值得一試😋
餐廳用手機wechat點餐，唔洗好似平時啲放題咁寫紙，方便又環保👍。店員服務態度都好好，
收碟收得密同快，仲會幫你放好其他碟。自己有試拎過啲碟，啲碟其實都真係幾重下，啲店員每次要拎咁多周圍行都幾辛苦。
講番啲野食先，生蠔係任食，但唔會好細隻，而且仲有唔少汁可以自己選擇，紅酒醋同莎莎醬都幾唔錯。
另外可能係因為試業期間，每位會送一款龍蝦，每隻都好多膏，啲肉都好鮮甜，個鉗都會預先扑碎，食起上黎都唔會話好唔方便。
刺身都新鮮同厚切，尤其係吞拿魚同三文魚！壽司都好多特別款式，個人最中意芒果花之戀同黑松露壽司。
燒物都值得一試，特別推介大家試下個牛舌，好香好滑。袖子雞翼都煎得恰到好處。
食到後尾先知原來餐廳另一邊有個自助吧，有即煮意粉同炒菜，仲有啲熟食選擇。如果食得太多生冷野想換下口味都係唔錯既選擇。
另外甜品都有唔少選擇，有啲細細杯既啫喱，岩晒啲想試唔同款既朋友😼另外仲有movenpick 雪糕！不過淨係得士多啤梨同朱古力兩款選擇。
整體而言都好抵食! 就算冇半價都值得一試😋
Post
