Video
Read full review
2022-08-05
316 views
朋友好鐘意食壽喜燒，今次就同佢黎試下呢間會展站既日式壽喜燒專門店，整體既體驗超好，好似係日本食野咁，店員都好貼心☺️☺️位置仲超闊落，好舒服又好食 .佢地有Sukiyaki 同埋Shabu Shabu, 睇個店名都知一定要揀壽喜燒啦，店員細心介紹餐牌，有3款日本和牛，按價錢分別就係A5, A4 同埋A3級既和牛，A5油脂會多d, A3就肉味濃d, 各有千秋，我地就叫左個A5 日本產特撰黑毛和牛 ($689) 同埋A3日本產黑毛和牛赤身肉 ($529),餐牌上面冇寫，但店員都介紹左其實套餐已經包括左前菜，野菜盛合同埋飯同烏冬，仲有埋甜品添，係好完整既一個套餐😚😚前菜，店員好細心咁介紹每款前菜🍅日本Amela蕃茄，甜度好高又新鮮既蕃茄🦪室津生蠔配上三文魚子，兩者既鮮甜加起黎好夾又清新🐮和牛他他混和鵪鶉蛋黃配上少少開心果碎，加埋佢自家調味好好食，似食緊刺身既感覺，唔係好敢食生肉既我都好自然咁食哂，仲覺得好好味添😆柚子海蜇爽脆又清新，清完個口可以食濃味既壽喜燒係呢到食野一直都有專人安排好哂，好方便，食完前面佢就問我地要幾多飯，原本只係叫左比朋友，但店員貼心地返黎問我可以customize,要一啖都
朋友好鐘意食壽喜燒，今次就同佢黎試下呢間會展站既日式壽喜燒專門店，整體既體驗超好，好似係日本食野咁，店員都好貼心☺️☺️位置仲超闊落，好舒服又好食
.
佢地有Sukiyaki 同埋Shabu Shabu, 睇個店名都知一定要揀壽喜燒啦，店員細心介紹餐牌，有3款日本和牛，按價錢分別就係A5, A4 同埋A3級既和牛，A5油脂會多d, A3就肉味濃d, 各有千秋，我地就叫左個A5 日本產特撰黑毛和牛 ($689) 同埋
A3日本產黑毛和牛赤身肉 ($529),餐牌上面冇寫，但店員都介紹左其實套餐已經包括左前菜，野菜盛合同埋飯同烏冬，仲有埋甜品添，係好完整既一個套餐😚😚
前菜，店員好細心咁介紹每款前菜
🍅日本Amela蕃茄，甜度好高又新鮮既蕃茄
🦪室津生蠔配上三文魚子，兩者既鮮甜加起黎好夾又清新
🐮和牛他他混和鵪鶉蛋黃配上少少開心果碎，加埋佢自家調味好好食，似食緊刺身既感覺，唔係好敢食生肉既我都好自然咁食哂，仲覺得好好味添
😆柚子海蜇爽脆又清新，清完個口可以食濃味既壽喜燒
係呢到食野一直都有專人安排好哂，好方便，食完前面佢就問我地要幾多飯，原本只係叫左比朋友，但店員貼心地返黎問我可以customize,要一啖都得☺️☺️知道好多女仔比較細食或者食少d 飯，有咁貼心既安排好少見，好抵讚👍🏻👍🏻
跟住就由店員幫我地燒每一片既和牛啦，佢會自問清楚想食邊款同埋想要既熟度，每一塊都煮得岩岩好，又滑又好食，仲會介紹唔同食法，沾蛋液/七味粉或者就咁食。A5和牛既油花超級多！！煮完就已經勁香，一咬落去係滿滿既油份，即刻明白左有啖飯係幾重要🤣入口即溶既口感超正，食完勁滿足，之前再試A3和牛就即刻有分別，食落係和牛既香氣同埋唔會太油膩，朋友鐘意A5而我就鐘意冇咁油既A3啦，最後一塊都分配好！唔好睇佢每份3塊，但食完已經勁滿足，真係再多都食唔落，份量岩岩好😚😚
之前店員再幫我地煮野菜同埋烏冬，而且煮完仲會問清楚我地喜好，幫我地將d 菜都分成兩碗慢慢食
甜品
最後店員會收拾好枱面，先幫我地上甜品
包括和菓子，紅豆同埋蕨餅，而且仲有配好既掛川茶，少有既餐廳會係食甜品既時候再換一款配搭既茶，飲落好香濃，可以中和到甜品既甜品就唔會太膩啦😚😚
📍 SUKIYAKIYA (灣仔)灣仔港灣道30號新鴻基中心2樓2A-1鋪
#香港美食 #香港必食 #hkfoodie #hkfood #hkfoodblogger #hkfoodlover #hkfoodpic #hkfoodie #hkfoodies #foodblogger #berryfoodie #berry灣仔 #壽喜燒 #Sukiyaki #sukiyakiya
Post
