前菜拼盤包括桂花荔枝汁漬荷蘭串茄、黑松露帶子餃同陳皮香草醬焗伊比利亞豬肉。
豬肉好嫩，雖然油脂豐富，但唔會好油膩，反而有啲爽口感。帶子餃好多帶子味，再加埋黑松露，真係非常非常之美味嘅組合。串茄清新，有荔枝汁嘅香甜，又有淡淡嘅桂花味口感好清新。
爵士湯加咗鮮蝦同花膠，湯底濃郁滋味，侍應介紹，爵士湯，是一種以響螺頭與蜜瓜入饌的湯，因香港名人鄧肇堅爵士很愛這款湯而得名👍
鮮胡椒蟹黃焗海蝦、龍蝦膏海膽炒飯、珍菌紫玉等等也都很有水準！龍蝦膏海膽炒飯表面上裝飾著海膽，炒飯粒粒分明，口感十分獨特。珍菌紫玉就以蔬菜皮包著多種菌類、紅蘿蔔，健康、口感層次亦豐富！
最後再來一份芝麻糊椰汁忌廉配桔仔酥甜品，芝麻糊香滑甜美，加上椰汁忌廉再加味。桔仔酥就香脆可口😋
如果你想食高質新興中菜，就唔好錯過呢間位於海洋中心4樓嘅花圖中菜館啦！
