十八座狗仔粉

Open Now

Now Closed

朋友突然話要食翅，見到面先知原來係食碗仔翅。Surprise！！其實我第一次食十八座，呢碗碗仔翅都幾驚喜。因為非常足料，又有鴨肉絲，仲有得加埋榨菜。湯底好夠滾，但唔會杰到漿住個口。而且唔係好咸，食落幾惹味。份量算係大Size，一碗細翅都已經好夠，唔知大翅到底有幾大碗。而我最鍾意，就係燒鴨脾 (下庄)。好多年前一個好朋友教我，識食一定係食下庄，所以以後去親邊度有得揀一定揀下庄。街邊燒鴨脾嚟講，都做到皮脆肉嫰，又唔油膩，我非常欣賞。食一啖，再沾啲翅嚟食，真係好正。過吓口癮嘅魚蛋就冇乜特別。口感賣相味道都係一般嘅炸魚蛋一樣。同場其實仲食咗大腸蘿蔔，不過個醬汁太濃，本人不太Like。而重點狗仔粉，由於我唔食魚肉，直接Skip咗。