搵地方食飯開心吓，當然係上openrice睇下有咩食啦！大家決定咗喺旺角開飯，上openrice度睇到有間樓上cafe好似幾特別，咁我哋就上去試吓。
六點鐘上到去已經有幾枱客，好彩我哋早到，晏啲可能驚佢冇位添！睇下餐牌除咗意粉同平時啲飯之外，都幾特別嘅，原來佢仲有burger同All Day Breakfast食，朋友佢就叫咗個美國安格斯牛肉漢堡，我就叫咗個煙三文魚意大利飯，大家share食。估唔到cafe嘅漢堡都有好好嘅質素，塊牛肉好juicy，而且係靚牛嚟！配埋啲薯條好香脆，仲有啲沙律伴埋，食落好開胃。
至於個三文魚意大利飯，估唔到質素都好好，意大利飯軟硬適中，而且重都幾多三文魚，仲放得好靚㖭！
另外，我哋仲叫咗個串燒小食，都好好味，同朋友都有三四個月冇見，今日同佢慶祝生日，呢度嘅環境氣氛都好好，我相信佢今日都過咗個很愉快嘅生日。
