Video
Read full review
2013-09-21
386 views
這裡的名字是太座在Table Map搜尋時留意到出來的, 因為分数比較高, 而另一友人亦說在聽收音機時有節目主持人介紹過, 食物/菜式在某方面可以說増加了一點信心, 其他方面看臨場發揮吧! 這裡的週末晚餐時段分開兩段: 以八點半做分水嶺, 我們選了後半段即8點半入座那時段, 訂座6位, 但當天7點鬆d收到電話, 被通知枱已經準備好, 於是某一兩個朋友已經7點半到場,我同太座則大概於8點鬆d到, 但還有一位朋友真的要到8點半後方可到達, 由於臨近佳節餐牌上的食物亦被換走部份經濟貨色, 例如: 水芙蓉蒸蝦球被換成蒸生班球($228)我們只是叫了些比較普通的小菜, 並沒有叫什麼套餐, 菜式如下:金磚豆腐$78 應該是兩磚方塊豆腐開10件, 成本管理十分好控制.胡麻鮮淮山$78 跟炸豆腐同一價錢, 這個連油都可以慳埋, 手工料理乎? 但也只是切幾刀搞掂!先來了以上兩個小食, 因為還有朋友未到, 唯有邊食邊等啦, 到差不多9點之前十分鐘朋友到了通知店方可以起菜了,由於預先訂咗例牌嘅燒鵝 $168, 理應這燒鵝好快可以上枱吧! 可惜的是等了半小時, 期間跟女待應催了幾次, 只是斬幾下的例牌燒鵝無諗
我同太座則大概於8點鬆d到, 但還有一位朋友真的要到8點半後方可到達, 由於臨近佳節餐牌上的食物亦被換走部份經濟貨色, 例如: 水芙蓉蒸蝦球被換成蒸生班球($228)
我們只是叫了些比較普通的小菜, 並沒有叫什麼套餐, 菜式如下:
金磚豆腐$78 應該是兩磚方塊豆腐開10件, 成本管理十分好控制.
胡麻鮮淮山$78 跟炸豆腐同一價錢, 這個連油都可以慳埋, 手工料理乎? 但也只是切幾刀搞掂!先來了以上兩個小食, 因為還有朋友未到, 唯有邊食邊等啦, 到差不多9點之前十分鐘朋友到了通知店方可以起菜了,
由於預先訂咗例牌嘅燒鵝 $168, 理應這燒鵝好快可以上枱吧! 可惜的是等了半小時, 期間跟女待應催了幾次, 只是斬幾下的例牌燒鵝無諗過要等超過半小時以上, 千呼万喚始出來的其實賣相平庸之極, 無疑隻燒鵝幾有鵝騷味, 但還不是伴一個甜酸醬! 沒啥特別!
燒鵝之後陸陸續續之前叫上的包括:迷網陳村咕嚕黑豚肉 $138由個名來看, ”迷網” 應該是指那片酥炸出來一片米白色類似伴碟的東西, 可惜平日都無乜人留意到佢嘞, 而同炒的配料有原粒蕎頭, 皮蛋同切到好細片嘅椒片, 可能陳村興用呢d配料炒豬肉, 但真係第一次見到有師博用呢d配料, 個豬肉是否黑豚唔清楚, 不過肉質都唔太肥炸功不錯, 功架是有的, 不過由名字至配料充分表現出”迷網”的一道菜式.
魚香大蝦球$138 大蝦球6大隻味道鮮明, 魚香亦調較得恰到好處, 如果送白飯隨時可以食兩碗,可惜友人J以中國人評中國菜的角度認為蝦只是暖的沒有新鮮熱騰騰的溫度算是不合格了.
鲜野菌濃湯浸時蔬$118 野菌其實只有一些普普通通嘅菇菇, 菜還可以保留有菜的青澀味沒有被濃湯掩蓋過.
在這三個餸之後我們再加了兩道食物, 因為這裡碟頭較細, 當然又是新一輪的等等等…..石鍋灕江海鮮豆腐 $138 海鮮有蝦, 魚柳, 帶子薄片, 以一個微微辣的汁醬伴住大量的豆腐, 以此份量來說可以講是當晚第二大的一個菜式, 殿後的荷葉飯才是最大了.
鮮蝦荷葉飯$148 全晚最後一個菜式, 最有香味/鮮味亦交足料的荷葉飯, 食咗喱個飯先有點兒飽肚.
本來各道菜的味道頗有水準, 賣相以比較西式擺放只是一點小玩意, 份量小亦可以解釋為百物騰貴只要走去街市蕩一蕩就知道了, 但廚房出菜速度追不上可怎樣也講不過去, 而且是晚飯時間的9 ~10點, 三催四請也端不出一個例牌燒鵝會是什麼回事? 其中一個友人留意到在8點45分至9點20分左右待應完全沒有出過什麼菜?? 難道廚師全部趕完頭輪要休息半小時? 所以大家都只能夠”等” 或者”催”, 如果真是有這樣的一個休息時段可否預先同客人”單”一聲呢?另一件令人不愉快的事件則是當最後兩個餸還未出來之際, 有個年青男待應拿住單走過來, 當然這種舉動是非常不智且無禮, 其中一個友人已經立即開口說: 菜未出晒不會埋單, 當然其他的我們亦跟他表示同一意願, 那男待應登時面有黑氣閃過, 有禮貌話夠鐘要截單及找數, 我們接過單後話check下張單就可以, 找數就唔會, 他就好無癮咁放低張單行了去做其他野了, 態度之差實在少見亦難以接受, 雖然見食友們對此店的服務反映都知道一二, 但今日得見其真身完全理解食友們氣結所謂為何?!
而途中再剎多一單出來, 正當大家在食荷葉飯之際, 又有另一個男待應收到某某指示埋來收野, 當他走到埋枱邊只見枱面只有半碟荷葉飯未食, 他竟然伸手出來想收走, 其中友人D隨即拋出一句: 重有半碟未食完你收乜野呀?? 他隨即縮手”閃人”! 但之後佢都來回行/望了2~3次, 聽到佢用不滿嘅語氣同其他人講 “收乜嘢呀?” 後來先知有人以為我們這枱仲未簽單叫他來收番張單, 但他埋到嚟唔見有單咪見乜收乜囉, 實在離譜! 但其實張單經已在上齊餸後, 有位女經理有禮貌咁埋來請我們簽咗, 並且已經收了回去.
當天的中午我們在旺角某大飲食集團的中菜酒樓也有同一CASE就是待應將單先拿過來, 但他們的語氣是溫柔地: 請客人先行對一下(確認)單, 並沒有提過“埋單呀唔該”嘅字眼, 呢D咪係有專業陪訓同無陪訓嘅分別囉, 客人當然明白係被叫: 埋單啦! 同一操作 – 高手同低手立見高下吧!
結論是這裡的男待應巧能是惹禍, 而女待應則負責陪罪, 好奇怪的配搭!
雖然菜做得不錯, 但這樣的廚房/ 待應唯有祝佢好運吧! 我們一次受夠了.
Post
