Owl’s Stage (Closed)

朋友介紹，話呢間小店之前已經喺元朗開店，而家喺太子。可能唔太熟路，個人覺得都比較難搵。餐廳有個優惠，如身份證英文名字母集齊，就可以享有不同優惠，我哋就可以有個小食拼盤送。男店員/老闆相當好，一一介紹食物給我們認識，好細心講解同埋推介食物。我地叫咗雞尾酒，牛扒，意大利飯，拼盤和甜品…牛扒一齊share食，我食牛肉嘅位置林軟，生熟程度不錯，不過可惜朋友食個位置話好多筋。朋友一齊同叫咗兩杯一樣嘅雞尾酒飲品，可惜有一杯漏加薄荷葉，而且個杯邊啲糖圈跌咗，朋友冇要求換過一杯。餐廳都可以看看才比客人，如發現有問題應該再整一杯。因為朋友生日，所以特地點咗個寫字嘅甜品，布朗尼蛋糕，可惜嚟到嘅時候店員漏咗寫。不過個甜品幾好食，外脆內軟。整體嚟講，食物都唔錯，可能店員忙啦，有較多嘅甩漏。我地都有同店員反映過，佢話會跟進返。