上網搵到呢間5% cafe都ok，地點又方便，就係旺角同油麻地之間，一於試一試佢啦！
一上到去，又係應援主題既餐廳；仲有啲適合一大班friend上嚟傾計嘅大梳化區，加埋好多公仔做擺設，睇得出店主有細心佈置！🥳
✨焗刁草芝士汁煙三文魚珍珠帶子意粉
煙三文魚有淡淡煙燻風味，醬汁份量好足🤤
紅莓雪糕窩夫：份量大，好吸引。窩夫即叫即做，咬落好脆，熱熱地，甜甜地。cream唔會太甜，同窩夫一齊食，冷熱交溶，好好食，我就好鐘意，食完好滿足。
整體嚟講，食物味道有驚喜，餐廳環境輕鬆，服務又貼心，係個傾計玩樂好去處。
