記起今年年頭同食家同事傾計時，佢提過嘅「舊式」西餐廳，於是決定一試！
由於住港島區，所以九龍、新界就唔諗啦～
而呢間金雀餐廳響銅鑼灣，易搵又方便，位置當然係好啦！
至於食物方面，除咗有新鮮感之外，味道同份量亦好好！
份量方面，男友係食肉獸都可以食到飽飽，而且亦無因為咁而令食物質素下降！
而真係必食推介嘅係... 個安格斯牛扒堅係要讚！ P.S. 個餐可加錢轉〜
要響香港剧扒，如果以$500 內兩人咁計，可能真係食花園、扒王、第尾先得...
但份量同質素呢？相信食過嘅人都知...
咁呢間嘅呢？男友話從來未食過咁好咁靚嘅扒！
油脂分佈同質感一流（可惜忘記影低）入口即溶令佢食埋所有脂肪XD
至於我自己，因為細個食嘅花園餐廳雪糕，令我超愛呢度嘅雪糕！
我唔係太識用言語形容，總之就好香、好有奶味！
＊我哋叫嘅係2046套餐，一個要羊架，一個加錢轉安格斯〜
1
1
