Video
Read full review
2009-11-23
7 views
經朋友介紹話旺角有間新開既食甜品同日本定食既餐廳,又咁岩去到旺角諗住去試下~一去到,冇咩人,得我地一枱~不過門面都幾靚,幾光鮮~又見價錢都ok咪試下囉~我地一行三人先叫定食先~叫左個鰻魚炒飯,麻麻地,冇咩特別,但勝在大碟;跟住叫左個牛肉野菜鍋配芝麻飯,呢個都係唔太得啦,個湯太甜啦,連我隔離枱個呀叔都投訴韶個湯太甜啦,似糖水多過似牛肉鍋,雖然平時出面食既呢d日式鍋都係甜甜地,但人地真係甜甜地囉,而家係似糖水既甜,太誇張啦,真係要輕手d啦~仲有個日式咖哩定食 海鮮,呢個就係我地叫既定食中最好個個,d咖哩都幾香幾夠味,係濃咖哩黎既,而海鮮份量都唔少,好多虾,汁又夠多,$40到一個都算ok~仲叫左兩客小食,軟殼蟹天婦羅同一番千層豬扒,前者就普普通通,冇咩特別,後者就心思足,用上左好多塊簿既豬肉片疊埋黎再炸,一層層~不過略微有點乾,中間夾D芝士會好D~~但都可以一試,真係好特別~係定食當中呢就有點失望,真係麻麻地,不過份量就好足,對於食一個晚餐黎講,有咁既環境都尚算OK,不過都尚待改進一下,出餐仲有點慢,仲幾常送錯野~佢每個餐都有沙律同糖水(綠豆沙,麻麻地)送~都OK啦~而甜品呢就真係唔錯啦~佢
又咁岩去到旺角諗住去試下~
一去到,冇咩人,得我地一枱~不過門面都幾靚,幾光鮮~又見價錢都ok咪試下囉~
我地一行三人先叫定食先~
叫左個鰻魚炒飯,麻麻地,冇咩特別,但勝在大碟;
跟住叫左個牛肉野菜鍋配芝麻飯,呢個都係唔太得啦,個湯太甜啦,連我隔離枱個呀叔都投訴韶個湯太甜啦,似糖水多過似牛肉鍋,雖然平時出面食既呢d日式鍋都係甜甜地,但人地真係甜甜地囉,而家係似糖水既甜,太誇張啦,真係要輕手d啦~
仲有個日式咖哩定食 海鮮,呢個就係我地叫既定食中最好個個,d咖哩都幾香幾夠味,係濃咖哩黎既,而海鮮份量都唔少,好多虾,汁又夠多,$40到一個都算ok~
仲叫左兩客小食,軟殼蟹天婦羅同一番千層豬扒,前者就普普通通,冇咩特別,後者就心思足,用上左好多塊簿既豬肉片疊埋黎再炸,一層層~不過略微有點乾,中間夾D芝士會好D~~但都可以一試,真係好特別~
係定食當中呢就有點失望,真係麻麻地,不過份量就好足,對於食一個晚餐黎講,有咁既環境都尚算OK,不過都尚待改進一下,出餐仲有點慢,仲幾常送錯野~佢每個餐都有沙律同糖水(綠豆沙,麻麻地)送~都OK啦~
而甜品呢就真係唔錯啦~佢似主要做甜品多,個MEUN選擇都幾多,仲有D眼花撩亂,三心兩意~
最後我地叫左三款生果任您撈--哈密瓜,火龍果,荔枝配脆珍珠同蒟蒻Q配楊枝金露低,咁多野都係$25蚊,抵,個脆珍珠仲好得意,食落好有口感~吸引過去其他糖水舖食個西米撈~唔錯唔錯,值得一試~
仲有個芒果腸粉,見就見得多,食就第一次,好有驚喜,好好味,外層係椰汁整成既腸粉皮包住成條芒果肉,好足料,芒果又甜,有成三條都係$29,好抵好好味~~瞓身推介~
仲叫左個炸雪糕,冇咩特別,個皮有D似炸面包,有D厚同硬,之前都有係街邊食過,個時係好似雪糕糯米糍炸過咁,入口真係又熱又凍,個皮又唔厚,呢個就唔我啦~又厚又硬,連入面個雪糕都好硬,$24得一粒,中下次選!
原本仲想試下佢重點推介既梳乎里同意大行芝士餅(佢話會係您面前即時整的,好特別!),不過,佢話機器問題未有提供住,要過兩日先有得食~
咁就叫左個朱古力心太軟食,呢個又係值得推薦,淨係睇賣已經好有大餐廳FEEL~好靚好吸引~
一桔入地個心太軟度入面D朱古力立即流晒出黎~好好味,好滿足,唔太甜,苦味適中~
仲有兩枝朱古力蛋卷同少少CREAM一舊好香既荔枝味雪糕伴碟,真係好PERFECT~食完濃味既朱古力最後食埋個清清地既荔枝味雪糕~真係一個好好既配搭,大家真係要一試~真係食過番尋味~
總括黎講~甜品做得好好,定食就真係差D,出又出得慢,甜品就好快~
食佢呢D甜品,我始終都係覺得食西餐會MATCH點~
食完日本野食呢D甜品,有點怪怪地~
但佢環境幾好,同三五知已食下甜品傾下計,未嘗係一個好地方~
價錢合理,服務幾好,多款式,係定食差D,甜品真係真係值得一試!
我會再去試埋佢既梳乎里同TIRAMISU既~
到時再同大家報告佢既重點推介啦~
Post
