水門雞飯 (豉油街)

Open Now

Now Closed

實在好耐冇去旅行，如果有得去返旅行，泰國一定係大家頭幾位嘅選擇。未有得旅行都有得試吓呢間好有泰國特色嘅水門雞飯，事先聲明，啲雞肉實在係相比曼谷食嘅老咗d，但係喺香港黎講實在係性價比高同埋加多咗份泰國嘅味道。水門雞飯淨係個賣相都同曼谷食嘅一模一樣，油飯加上雞肉擺面，成件事簡單得黎好泰國，女朋友覺得雞雜淡味咗d，但我個人覺得咁樣食落無咁膩胃，炸雞不過不失。另外貪特價叫咗個撈金邊粉，味道無太多驚喜，有少少辣，不過夏天食係唔錯嘅選擇。值得一提餐廳職員服務態度非常好，雖然好忙但亦好有效率，好有禮貌。