吉吉點 (Closed)

今日同事話想食點心，兩丁友去左呢間點心店食，間舖有點細，但d野都幾唔錯，每人食左六十幾蚊，同平時午市飲茶差唔多價錢。我地叫左幾樣點心，下面呢個係蒜心蝦餃同流沙飽，個蝦餃唔錯唔會一夾就散，因為有蒜心口感爽口幾唔同平, 裡面d蝦都幾彈牙, 而流沙飽真係流心, 奶皇味亦幾濃, 幾好味~另外，我最欣賞係個蘿蔔糕，煎得好香口，脆脆地，唔會太粉or太散, 真係幾好食, 不過可以落多d臘腸~香口野仲叫左芝士咸水角，但略嫌冇咩餡咁，芝士味亦唔太多,唔太特別, 但新鮮炸起都ok~出面冇食過鴨胸腸粉，好過癮，腸粉皮幾薄, 唔粉, 做得唔錯, 呢個腸粉用左燒汁甜甜地幾得意~但同事係女仔話驚肥~成餐晏我覺得都唔錯，唔去酒樓都食到好味點心，下次可以番撻黎食。