堅信號上海生煎皇 (欣榮商場)

Open Now

Now Closed

📍 餐廳：堅信號上海生煎皇 (欣榮花園) (土瓜灣)地址：土瓜灣馬頭角道33號欣榮花園地下8-10號舖最近成日經過都俾佢哋個poster吸引住。Poster入面嘅食物當然吸引，另外就係相入面嘅Yanny真係好正😘結果忍唔住就走咗入去。1️⃣龍蝦伴熱溶芝士醬海鮮湯麵 $78🦞湯底濃郁，龍蝦味道非常重，加上啖啖嘅龍蝦肉，亦有青口、墨魚同蟹柳，用料新鮮。仲可以加入熱溶芝士醬入去，保證芝味十足🧀2️⃣堅信號生煎包(2個)+灌湯小籠包(4個）$43下午茶餐，另加$5 Coke Zero，同追加$15雞絲粉皮既然嚟到，點可以唔食佢哋嘅招牌生煎包同小籠包。生煎包底脆內軟兼爆汁，食完一件又一件。小籠包粒粒飽滿，肉汁豐富，皮薄餡靚，滋味滿足。雞絲粉皮，花生醬味濃，炎炎夏日食特別清新醒胃😋3️⃣上海粗炒配花雕醉雞翼(2隻) $59 午市套餐+自選小食+送特選茉香綠茶(熱)上海粗炒都幾大碟，份量同配料都幾多，而且鑊氣夠，炒得相當有水準，加上有自選小食，可以揀生煎包，又可以揀小籠包，呢個午市套餐都幾划算，最後我揀咗花雕醉雞翼。嫩滑雞翼充滿住酒香，食落肉嫩可口，值得一試。