名館 (黃埔天地) (Closed)

淨睇個名唔知賣什麼，看看門口的餐牌，原來是新派中菜食館，有點心、小菜、飯麵、甜品都有的。星期一至五2-5:30pm 下午茶時段，$38 有主食、飲品，加$10可另加點心一款。仲唔駛收加一及茶錢先上蕎麥茶，清清喉，唔錯。銀湖天鵝酥，2隻天鵝依偎着放在雀巢上，剎是可愛，提機拍照先。首先鵝頭頸是麵粉條做成，鵝身是一摺摺的酥皮，內餡是紫薯蓉，原來是甜食。咖喱厚切吉列豬扒飯，似馬來咖喱，微辣。咖喱內有軟冧的薯仔粒都好味。但吉列豬扒就唔得了，吉列皮又厚又靱，最後只可剝皮淨吃豬扒肉了。自製有機燈膽豆漿，盛器是燈膽，份量亦很大，豆味濃郁。