抹茶館 (Closed)

最愛甜品，特別是抺茶，知道有間叫＂抺茶館＂既餐廳，晚飯便過去試試甜品，餐牌款式好多，樣樣都好似好好味，最後簡左抺茶白玉芭菲同抺茶軟雪糕最中。試食時間，先黎軟雪糕最中，老實講，真係冇咩特別，軟雪糕冇咩抺茶味，雪糕亦唔太軟滑，等左一陣個皮面已經唔脆，食到有d論盡😅跟住到芭菲，好大杯！不過又係好睇唔好食，半杯都係硊脆麥片，麥片上下係忌廉，淨係頂層係軟雪糕，兩粒丸子，兩片蜜柑，一舊紅豆容，最底層係抺茶啫喱狀物體，食左成杯忌廉麥片之後底層都食唔出咩味😅😅結論：好睇唔好食，以為係招牌既抺茶雪糕真係幾失望！