因為我再一次同朋友強調佢味道似雲南桂林米線,但係食落差好遠! 仲話雲南桂林米線好食過佢好多....點知睇返D資料..原來佢原名係(雲南桂林米線) :(:(:( 我食開既都好好味, 所以對佢有D失望:(...但係唔知係咪新開將關係.....人多手腳亂,服務都有點差...等位叫飛...多次叫錯NO. 剛剛叫完轉個頭又唔記得又再重覆...我話3位...飛仔寫3位, 佢本簿就寫2位, 到我地個陣又要等多陣....
入到去叫野食....員工都幾忙,所以我地叫野又等左陣先黎....叫原都等得幾耐野食先到! 見到入面有幾台客都吹單!
今次我地叫左好多野食!
小辣既麻辣小鍋米線- 雲吞 , 紫菜, 墨魚丸 ~~佢D雲吞中間仲係凍...可能人太多影響左掛...而且食落似水餃多過雲吞! 墨魚丸口感似魚蛋 , OMG..... 佢既小辣都係比平時桂林米線冇咁辣,食辣請將佢加一級!
小辣既酸辣米線- 腩肉, 豬軟骨, 蘿白....好普通...佢比唔到再想食既感覺我! 而且我都係小辣...但係真係小到冇乜感覺!
中辣紅薯粉- 豬脷, 豬潤, 雞絲~~ 雞絲小到可憐, 佢中辣=我係桂林食到既小辣
3碗粉個湯其實都唔係好夠熱
蒜泥白肉- 明明張相有隻辣椒仔....黎到...一D辣都冇...唔係因為我食得辣唔覺辣:(,係佢本來都唔辣! 但佢好多蒜溶好香:) 但係唔得正宗,同出面食到既有D唔同
通菜- 有點老
炸春卷- 外皮炸得幾好...入面D料我就唔係咁喜歡了! 而且比你點既汁係急汁黎...唔係咁夾!!
2碗凍菊花蜜....黎到得返2粒好細既冰...一D都唔凍
如果凍D佢係幾好飲既~~ 豆漿支裝,...冇乜特別,因為唔夠甜
仲叫左個外賣米線走!
3個人一碗外賣, 約$250
雖然今次麻麻地,但我遲D會比多次機會佢,希望佢有進步, 如果都係咁我就唔再幫襯......
