一個價錢可以嘆到雞煲同打邊爐；雞煲係已經煮好左可以即食，唔需要再加熱，而且可以因應自己食到嘅辣度揀大中小辣；雞煲加左泰式香料同辣醬炒，香辣惹味，而且份量比我哋想像中多
打邊爐方面包左鴛鴦湯底，有6種湯底可以選擇包括冬蔭公、椰汁雞、沙嗲、芫荽皮蛋，泰式清湯同麻辣蕃茄湯底；今次我哋揀左冬蔭公同芫荽皮蛋；冬蔭公湯底有好香檸檬草同香茅味道，味道偏酸帶少少辣比較開胃，芫荽皮蛋味道比較清淡
肉方面有M7牛胸腹、卡樂Beef、牛胸爽、牛板腱、豚肉片，酒嫩雞件同羊肉片；牛板腱牛味香濃，牛胸爽帶有嚼勁，羊肉片帶有少許羶味，最驚喜反而係雞件，啖啖肉又好嫩滑；用QR code落單之後好快就有，上菜收碟速度值得一讚
配料方面都有成25款咁多，現場即席夾嘅以蔬菜菇菌類同少許丸類為主，主食方面有王子麵同辛辣麵，其餘配料例如墨魚滑、烏冬，餃子等都係掃code落單
小食方面主要係以泰式同炸物為主，有泰式鳳爪、木瓜沙律、粉絲沙律，豬頸肉同串燒等等，豬頸肉燒得金黃有脆邊，串燒嘅沙嗲醬汁花生味香濃，燒完唔乾柴
飲品方面有可以自己斟嘅香茅茶，飲落味道清新甜甜地易入口，仲有唔同味道嘅梳打，綠茶同港式飲品
甜品方面有椰汁糕，Tiramisu同雲石芝士餅
如果覺得平時食嘅台式日式火鍋食到悶，不妨可以同朋友嚟呢度食泰式火鍋
1
1
