All Day Coffee (The LOHAS康城) (Closed)

假日最好chill 下漫活，是日來到剛開兩個月All day Cafe。焙茶燕麥奶（走糖)呢杯飲品原本係牛奶黎，不過我揀左佢用燕麥奶。杯蓋一打開見到有拉花呀，好靚有心思。茶嘅味道好濃，好岩我口味，而且飲完唔會有太飽滯的感覺。重點係呢隻燕麥奶飲落去係好少甜，相信係燕麥本身嘅甜味，屬健康之選，值得推介。 柑桔咖啡同樣有拉花圖案，有驚喜，無唸到柑桔同咖啡又幾夾，可以飲到兩種味道。芝士抹茶蛋糕抹茶味唔算濃，芝士味不錯，口感佳。紫薯包鬆化，咬一口，可以見到唔少紫薯肉粒，香噴噴。蘋果酥呢款蘋果酥和平時食的蘋果批有點不同，酥皮鬆化而且帶有一些咸香的芝士味道，不錯。蘋果蓉嘅部分份量和甜度剛好。